» » » These leader only looted the country - give it nothing... #SirajulHaq

حکمرانوں نے پاکستان کو کچھ نہیں دیا ،وہ خود باہر جاکر علاج کراتے ہیں:سراج الحق

کراچی(مانیٹرنگ ڈیسک) امیرجماعت اسلامی سراج الحق نے کہا ہے کہ موجودہ حکمرانوں نے پاکستان کو کچھ بھی نہیں دیا ،ہمارے حکمران خودباہر ممالک جاکراپنا علاج کرواتے ہیں،حکمران پاکستان سے پیساکما کر باہر بھیجتے ہیں اور خود کو قوم کا لیڈر کہتے ہیں۔

تفصیلات کے مطابق سندھ ورکرز کنونشن سے خطاب کرتے ہوئے ان کا کہنا تھا کہ جماعت اسلامی دوسری جماعتوں کی طرح عام جماعت نہیں ہے،ہم لوگوں کے دلوں ،ان کے گھروں اور پاکستان کی گلیوں میں انقلاب چاہتے ہیں۔جماعت اسلامی پاکستان میں عدالتی ، معاشی اور سیاسی نظام میں انقلاب چاہتی ہے،ہمارے مغربی تہذیب سے رشتے ختم ہورہے ہیں۔ پاکستان میں کسی بھی فرد کی بادشاہت نہیں بلکہ صرف اللہ کی حاکمیت چاہتے ہیں۔ان کا کہنا تھا کہ آج بھی دنیاکو اسلامی نظام کی ضرورت ہے،دلوں کوتلوار سے نہیں اچھے اخلاق سے جیتاجاسکتا ہے ۔ہمارے ملک کے کروڑوں بچے صرف غربت کی وجہ سے سکول نہیں جاتے،آج بھی ہزاروں پڑھے لکھے نوجوان بے روزگار ہیں ۔میں نے لاہور میں ہسپتالوں کا دورہ کیا،وہاں2،2 بچے ایک ہی بستر پر تھے۔

انہوں نے مزید کہا کہ پاکستان پیپلز پارٹی ذوالفقار علی بھٹوکے آئین کی خلاف ورزی کررہی ہے،بھٹو نے پاکستان کا آئین دے کر وطن کو جوڑ کررکھا تھا۔آف شور کمپنیوں میں جن کا نام ہے ہر ایک سے پوچھیں گے،پاناما لیکس کرپشن کا سمندر ہے۔ پاکستان میں کرپشن سب سے زیادہ اسلام آباد اور پھر کراچی میں ہے جبکہ کراچی میں سب سے زیادہ سندھ سیکریٹریٹ پھر لوکل گورنمنٹ میں کرپشن ہے۔ ان کا کہنا تھا کہ موجودہ حکمران پاکستان سے پیساکما کر باہر بھیجتے ہیں اور خود کو قوم کا لیڈر کہتے ہیں،تھر میں بچے مر رہے تھے اورلاڑکانہ میں جشن پر1ارب سے زائد خرچ کیے گئے جبکہ ایک فنکارہ کو کراچی سے ہیلی کاپٹر میں لے جایا گیا۔



About News Desk

Hi there! I am the admin of this page, am not the author of the post. I am pleased to share this news with you; you can express your expression as comment in below comment area….this news’ copy right is reserved by the author/publisher mentioned there. Thanks
«
Next
Newer Post
»
Previous
Older Post

No comments:

Leave a Reply


فریش فریش خبرین اور ویڈیوز


Random Posts

Loading...