Monday, February 19, 2018

روک سکو تو روک لو : حسن نثار کالم فروری 2، 2018 جنگ

روک سکو تو روک لو : حسن نثار کالم فروری 2، 2018 جنگ

سادگی ظاہر ہے سادہ ہوتی ہے۔ ملمع چڑھانے کے لئے محنت کرنا پڑتی ہے۔ فریب فراڈ صحیح کام کی نسبت کہیں زیادہ گنجلک اورپیچیدہ ہوتا ہے۔ سچ بولنے والے کی یادداشت کے امتحان کی نوبت ہی نہیں آتی لیکن ہم بہت ہی مہم جو اورمشکل پسند لوگ ہیں۔ آسان سی ایک نمبری چھوڑ کر مشکل ترین دونمبری کو ترجیح دیتے ہیں، تو آخر اس کی وجہ کیا ہے؟ میرا ذاتی خیال ہے کہ جائز کام ناجائز سے کئی گنا زیادہ آسان ہوتا ہے۔ جتنی مشقت غلط کے لئے درکار ہوتی ہے، اس سے آدھی مشقت میں صحیح کام سرانجام دیا جاسکتا ہے لیکن ہم ’’زندہ قوم ہیں‘‘ اس لئے زندگی کا ثبوت دینے کے لئے قدم قدم پر ’’آئوٹ آف دی وے‘‘ جانا پسند کرتے ہیں۔میں نے پہلے بھی عرض کیا تھا کہ جب بھی کوئی نئی واردات سامنے آتی ہے تو ساتھ ہی یہ خیال بھی آتا ہے کہ بس اب اس سے آگے کچھ نہیں ہوسکتا لیکن پھر ایک نئی ’’ایجاد‘‘ نئی ’’ٹیکنالوجی’’ متعارف کرا دی جاتی ہے لیکن اس تازہ ترین جگاڑ نے تو میرادماغ مائوف کردیا، جوڑ جوڑ ہلاکے رکھ دیا ہے۔پولیس کانسٹیبلوں کی بھرتی کے لئے ہونے والے این ٹی ایس ٹیسٹ میں کمپیوٹرائزڈ طریقے سے نقل کرنے والے دو گروہ فیصل آباد میں پکڑےگئے ہیں۔ پولیس اور FIA کی ٹیموں نے چار ملزموں کو گرفتار کرلیا ہے۔ توذرا سوچئے انہوں نے کیا کیا ہوگا؟ان عظیم ’’ماہرین ِ فن‘‘ نے اپنے سروں میں سرجری کروا کے اپنے کانوں میں ہیڈفون اور پیٹ میں نافوں کے نزدیک سمارٹ کیمرے لگا رکھے تھے جس سے وہ اپنے ساتھیوں کی مدد سے امتحانی پرچے حل کرتے تھے۔ بظاہر یہ ڈاکٹر شاہد مسعود کی ایک حالیہ تاریخ ساز خبر جیسی خبر لگتی ہے لیکن میں نے ایک معتبر اخبار سے اٹھائی ہے اور اخبار سنبھال کر رکھ لیا ہے تاکہ بوقت ِ ضرورت کام آئے اور ’’مور اوور‘‘ کے طور پر میں یہ بھی کہہ سکوں ’’ہم سا ہو تو سامنے آئے‘‘ واقعی ہمارے پاس ’’ٹیلنٹ‘‘ کی کوئی کمی نہیں۔ ایک ڈھونڈو ہزار ملتے ہیں۔ خبر بتاتی ہے کہ گزشتہ اتوار کےروز پولیس اہلکاروں کی بھرتی کے لئے ہونے والے این ٹی ایس ٹیسٹ میں مدینہ ٹائون پولیس نے امتحانی مرکز میں امیدواروں کی بائیو میٹرک تصدیق کی تو چک نمبر 432 گ ب جڑانوالہ کے رہائشی غلام مصطفیٰ ولد اللہ دتہ اور چک نمبر 230گ ب جڑانوالہ کے رہائشی گل شیر ولد محمد عظیم کی بائیو میٹرک تصدیق کے دوران یہ سنسنی خیز انکشاف ہوا کہ دونوں کسی اور امیدوار کی جگہ پر ٹیسٹ دے رہے ہیں۔ مزید تلاشی پر یہ راز کھلا کہ دونوں وارداتیوں نے انتہائی خفیہ اور سائنٹفک طریقہ سے سر کے بالوں کے نیچے سے بذریعہ سرجری تار کے ذریعے کانوں میں ہیڈفون اور ناف کے نیچے خفیہ سمارٹ کیمرہ فٹ کرارکھا ہے جس کی مدد سے یہ باہر بیٹھے اپنے ساتھیوں کی معاونت سے پرچے حل کرتےتھے۔پولیس اور FIAنے ملزمان کی نشاندہی پر ایک اور سکول میں قائم امتحانی مرکز پر بھی ’’کامیاب‘‘ چھاپہ مارا لیکن وہاں پر امتحان دینے والے ’’سائنسدان‘‘ اور ’’موجد‘‘ حضرات اسحاق ڈار کی طرح فرار ہونے میں کامیاب ہوگئے۔ جس عظیم محب وطن کو اپنی غیرمشروط سیاسی وفاداری کے سبب اسحاق ڈار کا نام پسند نہ آئے وہ اس کی جگہ کراچی والے رائو انوارکا نام لکھ لے۔ گرفتار ہونے والوں نے انکشاف کیا کہ وہ دونوں ایم ایس سی ڈگری ہولڈر ہیں اور بیروزگاری سے تنگ آ کر یہ کام کرنے پرمجبور ہوئے ہیں۔ یاد رہے کہ پولیس کوپہلے بھی اس قسم کی اطلاعات موصول ہو رہی تھیں۔مدینہ ٹائون پولیس نےیونیورسٹی ایکٹ سمیت دیگر دفعات کے تحت مقدمات درج کرالئے ہیں۔ دوسری طرف ڈپٹی ڈائریکٹر ایف آئی اےساجد اکرم چوہدری نے اپنی ٹیم کے ہمراہ NTS ٹیسٹ دینے والے ارسلان انور کوبھی گرفتار کرلیا جو پولیس ملازم محمد عارف کے بھائی محمد عثمان کی جگہ پیپر دےرہا تھا لیکن اصل سوال یہ ہے کہ یہ ساری گرفتاریاں زیادہ سےزیادہ کیا کرلیں گی؟ جہاں حکمران اقاموں کی آڑ میں وارداتیں کر رہے ہوں، وہاں ایسے جگاڑ اور جگاڑیئے پیدا ہونے سے کون روک سکتا ہے؟روک سکو توروک لویہ ٹیلنٹ کا سیلاب’’یہی چراغ جلیں گے تو روشنی ہوگی‘‘ اور روشنی بھی ایسی جو ایٹمی دھماکے سے جنم لیتی ہے۔

اشاعت جنگ : فروری 2، 2018




SHARE THIS

Author:

Thanks for visitint our website. like our FB pages and subscribe to our daily upates..you can comment on the above peace bellow with your google id or facebook id. thanks

0 comments:

All Categories

Aaj Kamran Khan ke Saath Aamir Liaquat Hussain Aapas ki Bat NajamSethi Abdul Qadir Hassan AchiBaatain Afghanistan Aga Khan University Hospital AirLineJobs Allama Iqbal America Amjad Islam Amjad Anjum Niaz Ansar Abbasi APP Aqwal Zareen Articles Ayat-e-Qurani Ayaz Amir Balochistan Balochistan Jobs Bank of Khyber Banking Best Quotes Biwi Jokes Blogger Tips Chaltay Chaltay by Shaheen Sehbai China Chitral Coca-Cola Coke Studio Columns CookingVideos Corporate News Corruption Crimes Dr Danish ARY Sawal Yeh Hai Dubai E-Books EBM Education Educational Jobs Emirates English #Quotes English Columns EnglishJokes Funny Photos Funny Talk Shows Funny Videos Gilgit-Baltistan Girls Videos Govt Jobs HabibJalibPoetry Hamid Mir Haroon Al-Rashid Hasb-e-Haal with Sohail Ahmed Hassan Nisar Hassan Nisar Meray Mutabaq Hazrat Ali AS Sayings HBL Health HikayatShaikhSaadi Hospital_Jobs Hotel Jobs Huawei Hum Sab Umeed Say Hain India Information Technology Insurance International News Islam Islamabad Islamic Videos JammuKashmir Javed Chaudhry Jazz Jirga with Salim Safi Jobs Jobs Available Jobs in Karachi Jobs in KPK Jobs in Pak Army Jobs_Sindh JobsInIslamabad Jokes Jubilee Insurance Kal Tak with Javed Chaudhry Karachi Kashmir KhabarNaak On Geo News Khanum Memorial Cancer Hospital Khara Sach With Mubashir Lucman Khyber Pakhtunkhwa Lahore Latest MobilePhones Lenovo LG Life Changing Stories LifeStyle Live With Dr. Shahid Masood Live with Talat Hussain Maulana Tariq Jameel MCB Bank Microsoft Mobilink Mujeed ur Rahman Shami Munir Ahmed Baloch Nasir Kazmi Nazir Naji News News Videos NGO Nokia North Korea Nusrat Javed Off The Record (Kashif Abbasi) Off The Record With Kashif Abbasi On The Front Kamran Shahid OPPO Orya Maqbool Jan Pakistan Pakistan Army Pakistan Super League Pashto Song Photos Poetry Political Videos Press Release Prime Time with Rana Mubashir PTCL Punjab Quetta Quotes Rauf Klasra Samsung Sar-e-Aam By Iqrar-ul-Hasan Sardar Jokes Saudi Arabia ShiroShairi Show Biz Sikander Hameed Lodhi Sindh Social Media Sohail Warriach Songs Sports News Stories Syria Takrar Express News Talat Hussain Talk Shows Technology Telecommunication Telenor To the point with Shahzeb Khanzada Tonight with Moeed Pirzada Turkey Tweets of the day Ufone University Jobs Urdu Ghazals Urdu News Urdu Poetry UrduLateefay Video Songs Videos ViVO Wardat SamaaTV WaridTel Wasi Shah Zong اردو خبریں
______________ ☺ _____________ _______________ ♥ ____________________