Wednesday, February 28, 2018

فاطمہ حبیب: سرگودھا کی دبنگ موٹر سائیکل سوار خاتون

فاطمہ حبیب: سرگودھا کی دبنگ موٹر سائیکل سوار خاتون

کرٹیسی بی بی سی اردو

بڑی سی چادر میں خود کو لپیٹ کر موٹرسائیکل کی سواری کرتی فاطمہ حبیب سرگودھا کے گاؤں چک 28 کی رہائشی ہیں۔ وہ اس علاقے کی پہلی خاتون ہیں جنہوں نے نہ صرف بائیک چلانا سیکھی بلکہ باقاعدگی سے چلا بھی رہی ہیں۔

فاطمہ نے آٹھ مہینے پہلے سرگودھا پولیس لائنز سے پنجاب حکومت کی سکیم وومن آن ویلز کے تحت یہ تربیت صرف اس لیے حاصل کی تھی تاکہ اپنے وہ والد کے ساتھ ان کے ڈھابے کے کام میں مدد کر سکیں۔

وقت کو کچھ اور ہی منظور تھا۔ والد انتقال کر گئے اور چھ بہنوں اور تین سالہ بھائی کی ذمہ داری فاطمہ اور ان کے والد کی موٹر سائیکل نے اٹھا لی۔

دھواں اور مٹی اڑاتی موٹر سائیکل پر سوار فاطمہ حبیب سرگودھا کی سڑکوں پر ایسے بےخوف سفر کرتی ہیں جیسے کوئی پروفیشنل بائیکر ہو۔ خودمختاری کے ساتھ اعتماد بھی ہے۔ وہ خود کو کسی سے کم نہیں سمجھتیں۔

’میرا ماننا ہے کہ اگر ہمت ہو اور گھر والے بیٹیوں کا ساتھ دیں تو کچھ بھی ناممکن نہیں۔‘

انھوں نے بتایا کہ `مجھے ایک بار بائیک چلاتے ہوئے لڑکوں نے چھیڑا تھا، میں نے ان کی خوب پٹائی کی۔ اس کے بعد انھوں نے دوبارہ ایسا کرنے کی ہمت نہیں کی۔ کچھ لوگ مجھے موٹر سائیکل چلاتے دیکھ کر ہنستے ہیں، انہیں ایسے نہیں کرنا چاہیے۔ انہیں تو خوش ہونا چاہیے کہ ایک لڑکی اپنی ذمہ داری خود اٹھا رہی ہیں۔‘

چک 28 کی مرکزی سڑک کے کنارے ایک کچی پکی چھت تلے فاطمہ اپنے والد کے ڈھابے پر بڑی سی کڑاہی میں پکوڑے اور سموسے تلتی ہیں۔ خوشبو سونگھتے ہوئے راستے سے گزرنے والے پردیسی اور علاقے کے لوگ وہاں ایک پل کو ٹہرتے ہیں تو کچھ نہ کچھ کھا کر انگلیاں چاٹتے ہوئے ہی لوٹتے ہیں۔

فاطمہ کا کہنا ہے کہ آج یہ ڈھابہ صرف ان کی موٹر سائیکل ٹریننگ کی وجہ سے ہی چل رہا ہے۔

’صبح موٹر سائیکل پر بہنوں کو سکول چھوڑ کر آتی ہوں، ڈھابے کا سامان اور مارکیٹ سے راشن لے کر آتی ہوں، پھر دوپہر کو آ کر ڈھابہ کھولتی ہوں، دوپہر کو بہنوں کو سکول سے لے کر ٹیوشن سینٹر چھوڑتی ہوں۔ میرا تو آدھا دن اسی موٹر سائیکل پر گزر جاتا ہے۔ آخر بیٹا بن کر ابو کے حصے کے سب کام بھی تو کرنے ہیں۔‘

خود کو مضبوط اور نڈر ظاہر کرنے والی فاطمہ کا سفر اتنا آسان نہیں جتنا دکھائی دیتا ہے۔

فاطمہ نے پولیس لائنز سے تربیت تو لی لیکن ٹریننگ سنٹر کی چاردیواری میں موٹر سائیکل چلانے اور گاؤں کی ٹوٹی ہوئی سڑکوں پر سواری کرنے میں بہت فرق ہے۔ فاطمہ کو یہ احساس تب ہوا جب ان کا پہلا ایکسیڈنٹ ہوا۔

’غلطی اس انسان کی تھی لیکن گری میں اور مجھے کافی چوٹیں بھی آئیں۔ اس سے میرا ڈر تو ختم ہو گیا لیکن ابو کی موٹرسائیکل خراب ہو گئی۔ اب میرے پاس اپنی موٹرسائیکل نہیں، ماموں سے انکی موٹر سائیکل مانگ کر ڈھابے اور گھر کا کام چلاتی ہوں۔`

فاطمہ کی خواہش ہے کہ کاش ایک دن وہ اتنے پیسے اکٹھے کر پائیں کہ خود موٹر سائیکل خرید سکیں۔


یہ مسئلہ صرف فاطمہ کا نہیں بلکہ ہر اس لڑکی کا ہے جس نے پنجاب حکومت کی سکیم کے ذریعے موٹر سائیکل چلانا سیکھ تو لیتی ہے لیکن اپنا سواری نہ ہونے کے باعث چلا نہیں پاتیں۔

سنہ 2015 سے اب تک وومن آن ویلز پروگرام کے تحت پنجاب کے پانچ اضلاع، لاہور، روالپنڈی، ملتان، فیصل آباد اور سرگودھا میں تین ہزار سے زائد خواتین کو موٹر سائیکل چلانے کی مفت تربیت دی گئی ہے لیکن تعداد کے برعکس اتنی خواتین سڑکیوں پر موٹر سائیکل لے کر نہیں آ پائیں۔

اس حوالے سے وومن آن ویلز پروگرام کے سربراہ سلمان صوفی کا کہنا ہے کہ اس مسئلے کا حل سستی موٹر سائیکل سکیم میں ہے۔

`ٹریننگ لینے والی زیادہ تر خواتین مڈل کلاس سے تعلق رکھتی ہیں تو اپنی موٹر سائیکل خریدنے کی استطاعت نہیں۔ اسی لیے اب وومن آن ویلز پروگرام کے دوسرے فیز میں حکومت پنجاب صوبے کے پانچ اضلاع میں تین ہزار خواتین کو قرعہ اندازی کے ذریعے گلابی رنگ کی سبسیڈائزڈ موٹرسائیکلز دے رہی ہے۔‘






SHARE THIS

Author:

Thanks for visiting our website. Like our FB pages and subscribe for daily updates; you can comment on the above post bellow ↓with your Google id or Facebook id – Thank you for your time..☺

0 comments:

 
‎لطیفے اور شاعری‎
Facebook group · 8,142 members
Join Group
یہ گروپ آپ سب کے لئے ہے۔ پوسٹ کیجئے اور بحث کیجئے۔۔۔۔۔ اپنی آواز دوسروں تک پہنچائے۔۔۔اور ہاں گروپ کو بڑا کرنے کے لئے اپنے دوستوں کو بھی گروپ میں دعو...
 

All Categories

Aaj Kamran Khan ke Saath Aamir Liaquat Hussain Aapas ki Bat NajamSethi Abdul Qadir Hassan AchiBaatain Afghanistan Aga Khan University Hospital AirLineJobs Allama Iqbal America Amjad Islam Amjad Anjum Niaz Ansar Abbasi APP Aqwal Zareen Articles Ayat-e-Qurani Ayaz Amir Balochistan Balochistan Jobs Bank of Khyber Banking Best Quotes Biwi Jokes Blogger Tips Chaltay Chaltay by Shaheen Sehbai China Chitral Coca-Cola Coke Studio Columns CookingVideos Corporate News Corruption Crimes Dr Danish ARY Sawal Yeh Hai Dubai E-Books EBM Education Educational Jobs Emirates English #Quotes English Columns EnglishJokes Funny Photos Funny Talk Shows Funny Videos Gilgit-Baltistan Girls Videos Govt Jobs HabibJalibPoetry Hamid Mir Haroon Al-Rashid Hasb-e-Haal with Sohail Ahmed Hassan Nisar Hassan Nisar Meray Mutabaq Hazrat Ali AS Sayings HBL Health HikayatShaikhSaadi Hospital_Jobs Hotel Jobs Huawei Hum Sab Umeed Say Hain India Information Technology Insurance International News Islam Islamabad Islamic Videos JammuKashmir Javed Chaudhry Jazz Jirga with Salim Safi Jobs Jobs Available Jobs in Karachi Jobs in KPK Jobs in Pak Army Jobs_Sindh JobsInIslamabad Jokes Jubilee Insurance Kal Tak with Javed Chaudhry Karachi Kashmir KhabarNaak On Geo News Khanum Memorial Cancer Hospital Khara Sach With Mubashir Lucman Khyber Pakhtunkhwa Lahore Latest MobilePhones Lenovo LG Life Changing Stories LifeStyle Live With Dr. Shahid Masood Live with Talat Hussain Maulana Tariq Jameel MCB Bank Microsoft Mobilink Mujeed ur Rahman Shami Munir Ahmed Baloch Nasir Kazmi Nazir Naji News News Videos NGO Nokia North Korea Nusrat Javed Off The Record (Kashif Abbasi) Off The Record With Kashif Abbasi On The Front Kamran Shahid OPPO Orya Maqbool Jan Pakistan Pakistan Army Pakistan Super League Pashto Song Photos Poetry Political Videos Press Release Prime Time with Rana Mubashir PTCL Punjab Quetta Quotes Rauf Klasra Samsung Sar-e-Aam By Iqrar-ul-Hasan Sardar Jokes Saudi Arabia ShiroShairi Show Biz Sikander Hameed Lodhi Sindh Social Media Sohail Warriach Songs Sports News Stories Syria Takrar Express News Talat Hussain Talk Shows Technology Telecommunication Telenor To the point with Shahzeb Khanzada Tonight with Moeed Pirzada Turkey Tweets of the day Ufone University Jobs Urdu Ghazals Urdu News Urdu Poetry UrduLateefay Video Songs Videos ViVO Wardat SamaaTV WaridTel Wasi Shah Zong اردو خبریں
______________ ☺ _____________ _______________ ♥ ____________________